Төрийн үйлчилгээ ард иргэддээ ойр бус, хүнд суртал ихтэй, орон зайн хувьд хол байрладагаас иргэд ихээхэн цаг хугацаа алдах, нийгмийн үнэт цагаа үрэх бухимдал үүсгэхийн зэрэгцээ улс орны нийгэм, эдийн засгийн хөгжилд ч сөрөг нөлөө үзүүлсээр байгааг халахын тулд нийгмийн даатгалын байгууллага төрөл бүрийн арга хэмжээ авч ажиллаж байна. Үүний нэг жишээ бол төрийн үйлчилгээний хэлтэс, тасгийн байр ашиглалтанд оруулж байгааг нэрлэж болно. 2012-2016 онд 15 үйлчилгээний барилга шинээр барьж ашиглалтанд оруулснаар ажил олгогч, иргэд даатгуулагч, тэтгэвэр авагчдад нийгмийн даатгалын үйлчилгээг тав тухтай орчинд түргэн шуурхай чанартай үзүүлэх нөхцлийг бүрдүүллээ. Үүнд:
1. Нийгмийн хамгааллын салбарын цахим архивын байр
2. Нийслэлийн нийгмийн хамгааллын төв
3. Говьсүмбэр аймгийн Нийгмийн даатгалын хэлтсийн барилга
4. Говь-Алтай аймгийн Нийгмийн даатгалын хэлтсийн барилга
5. Чингэлтэй дүүргийн Нийгмийн даатгалын хэлтсийн барилга
6. Баянзүрх дүүргийн Нийгмийн даатгалын хэлтсийн барилга
7. Налайх дүүргийн Нийгмийн даатгалын хэлтсийн барилга
8. Архангай, аймгийн Нийгмийн даатгалын тасгийн барилга
9. Өмнөговь аймгийн Нийгмийн даатгалын тасгийн барилга
10.Баянгол дүүргийн Нийгмийн даатгалын тасгийн барилга
11. Сонгинохайрхан дүүргийн Нийгмийн даатгалын тасгийн барилга
12.Сэлэнгэ аймгийн Нийгмийн даатгалын тасгийн барилга
13. Ховдын аймгийн нийгмийн даатгалын тасгийн барилга
14. Ховдын аймгийн нийгмийн даатгалын хэлтсийн өргөтгөл,
15. Дархан-уул НДХ барилгын өргөтгөл,
16. Багахангай дүүргийн тасгийн барилгын өртгөтгөл
17. Хэнтий аймгийн Нийгмийн даатгалын хэлтсийн барилгын өргөтгөл
18. Сүхбаатар аймгийн Нийгмийн даатгалын хэлтсийн барилгын өргөтгөл
Монгол улсын засгийн газраас төрийн үйлчилгээг иргэдэд ил тод, чирэгдэлгүй, шуурхай, хүнд сурталгүй хүртээмжтэй хүргэхэд чиглэгдэн хэрэгжиж буй ажлын хүрээнд алслагдсан сум суурин хороодод ийнхүү үйлчилгээг ойртуулснаар иргэд нийгмийн даатгалын бүх төрлийн үйлчилгээг хүртэх боломж нээгдэж байна. Өнөөдөр Сонгинохайрхан дүүргийн нийгмийн даатгалын тасгийн нээлт болж СХД-ийн тухайн хэсгийн хороодын 50 мянга орчим иргэнд нийгмийн даатгалын үйлчилгээгээ үзүүлэхээр үүд хаалгаа албан ёсоор нээх арга хэмжээ боллоо. Нээлтэнд ХАХНХЯ-ны Төрийн нарийн бичгийн дарга Г.Нарангэрэл, НДЕГ-ын дарга Д.Мэндбаяр, НДЕГ-ын тэргүүн дэд дарга Д.Золжаргал, дэд дарга Т.Одончимэг нар болон албаны бусад хүмүүс дүүргийн иргэдийн төлөөлөл олноор ирж оролцлоо.
