Үйлдэвлэлийн осол гэж үйлдвэрлэлийн болон түүнтэй адилтгах хүчин зүйлийн үйлчлэлд өртөж эрүүл мэндээр хохирох, амь насаа алдахыг хэлнэ. Хурц хордлого гэж богино хугацаанд цацраг идвэхт буюу химийн бодисын нөлөөгөөр хордохыг хэлнэ. Хурц хордлогыг үйлдвэрлэлийн осолтой адилтгаж үзнэ. Мэргэжлээс шалтгаалсан өвчин гэж үйлдвэрлэлийн сөрөг хүчин зүйлийн нөлөөллөөс шалтгаалсан өвчнийг хэлнэ.
Даатгуулагч үйлдвэрлэлийн осол, мэргэжлээс шалтгаалсан өвчний улмаас хөдөлмөрийн чадвараа байнга буюу удаан хугацаагаар алдвал түүнд энэ даатгалд шимтгэл төлж ажилласан хугацааг үл харгалзан тэтгэвэр, тэтгэмж олгоно.
Үйлдвэрийн осол, мэргэжлээс шалтгаалсан өвчний улмаас хөдөлмөрийн чадвараа түр алдсаны тэтгэмжийг шимтгэл төлж ажилласан хугацааг үл харгалзан даатгуулагчийн сарын дундаж хөдөлмөрийн хөлс, орлогын 100 хувиар тооцож олгоно. Хөдөлмөрийн чадвар түр алдсаны тэтгэмжийг ажлын өдрөөр тооцож олгоно
Үйлдвэрлэлийн осол, мэргэжлээс шалтгаалсан өвчний улмаас хөдөлмөрийн чадвараа алдсан даатгуулагчид хиймэл эрхтэн, засал эмчилгээ хийлгэсний үнийг эхний удаа 100 хувь, 2 дахь удаагийн үнийн 50 хувийг олгоно. Мөн зайлшгүй шаардлагаар мэргэжлийн (гэмтлийн) эмнэлгийн байгууллагын дүгнэлтийн дагуу засал эмчилгээ (протез, ортопед)-г гадаад оронд хийлгэхэд түүний нэг удаагийн үнийг олгоно.
Үйлдвэрлэлийн осол, мэргэжлээс шалтгаалсан өвчний улмаас хөдөлмөрийн чадвараа 30 ба түүнээс дээш хувиар алдсан даатгуулагч улсын хэмжээний үйлчилгээтэй Хужирт, Өвөржанчивлан, Аржанчивлан, Аварга тосон, Гурван нуур, Оргил, Шаргалжуут, Отгонтэнгэр, Халзан-Уулын сувиллууд, түүнчлэн мэргэжлээс шалтгаалсан өвчний сувилалд сувилуулсан бол сувиллын зардал, ирэх, очих унааны зардлыг олгоно. Уг сангаас олгох сувиллын болон унааны зардлын хэмжээг Нийгмийн даатгалын үндэсний зөвлөл тогтооно.
| Эрчим хүч, уул уурхайн салбар, газрын тос, хий, хими, зам, тээвэр, хүнс, хөдөө аж ахуйн, үйлчилгээний, эрүүл мэндийн салбар | 2.8% |
| Геологи, хайгуулын, уул уурхайн, зам, тээвэр, холбооны, барилгын, хүнс хөдөө аж ахуйн, хөнгөн үйлдвэрлэл, үйлчилгээний, эрүүл мэндийн, соёл шинжлэх ухаан салбар | 1.8% |
| Төрийн болон төрийн бус, төсвийн, олон нийтийн, хөдөлмөрийн хэвийн нөхцөлд үйл ажиллагаа эрхэлдэг аж ахуйн нэгж, байгууллагууд, банк, санхүүгийн байгууллага | 0.8% |
Даатгуулагч дараах тохиолдолд үйлдвэрлэлийн осол, мэргэжлээс шалтгаалсан өвчний даатгалын сангаас тэтгэвэр, тэтгэмж, төлбөр олгоно:
- Ажлын байрандаа болон бусад газарт алба үүрэгээ гүйцэтгэх явцад
- Ажил эхлэхийн өмнөх ажилд бэлтгэх буюу дууссаны дараа
- Ажлын байр, багж хэрэгслээ эмхэлж цэгцлэх үед
- Ажилдаа ирэх, буцах замд осолд орох
Үйлдвэрлэлийн осол, мэргэжлээс шалтгаалсан өвчний даатгалд даатгуулсан даатгуулагч дахаар тэтгэвэр, тэтгэмж авна.
- Тахир дутуугийн тэтгэвэр
- Тэжээгчээ алдсаны тэтгэвэр
- Хөдөлмөрийн чадвар тур алдсаны тэтгэмж
- Хөдөлмөрийн чадвар нөхөн сэргээхтэй холбогдсон төлбөр
Үйлдвэрлэлийн осол хурц хордлогод өртсөнийг судлан бүтгэх
| Албан журмын даатгуулагч | Байгууллагын дэрэгдэх үйлдвэрлэлийн осол, хурц хордлогыг судлан бүртгэх орон тооны бус байнгын комисс. | 48 цагийн дотор судлан бүртгэж, акт үйлдэн ажлын 3 өдөрт багтаан хөдөлмөрийн болон хөдөлмөрийн эрүүл ахуйн хяналтын улсын байцаагчид хүргүүлнэ. |
| Сайн дурын даатгуулагч | Оршин суугаа орон нутгийн засаг захиргааны дэрэгдэх үйлдвэрлэлийн осол хурц хордлогыг судлан бүртгэх орон тооны бус байнгын комисс. |
Үйлдвэрлэлийн осол, мэргэжлээс шалтгаалсан өвчний даатгалын сангаас олгох тэтгэвэр, тэтгэмж, төлбөр
| Тэтгэвэр | Ø Тахир дутуугийн тэтгэвэр
Ø Тэжээгчээ алдасны тэтгэвэр |
| Тэтгэмж | Ø Хөдөлмөрийн чадвар түр алдсаны тэтгэмж |
| Хөдөлмөрийн чадвар нөхөн сэргээх төлбөр | Ø Хиймэл эрхтэн, засал эмчилгээ ( портез, ортопед) хилгэх зардлын тодорхой хувийг нөхөн олгох
Ø Зайлшгүй шаардлагаар гадаадад хийлэгсэн эмнэлэгийн зардлыг жишиг үнээр нь тооцон төлөх |
| Тэтгэврийн даатгалын шимтгэл | Ø ҮОМШӨ-ний улмаас тахир дутуу болсон даатгуулагчийн тэтгэврийн даатгалын шимтгэлийг төлөх |
| Рашаан сувилалын тусламж, үйлчилгээний зардал | Ø Рашаан болон мэргэжлээс шалтгаалсан өвчний сувилалд сувилуулах зардал
Ø Рашаан сувилалд ирж, очих унааны зардал |
| Урьдчилан сэргийлэх арга хэмжээний зардал | Ø ҮОМШӨ-нөөс урьдчилан сэргийлэх сургалт
Ø ҮОМШӨ-нөөс урьдчилан сэргийлэхтэй холбогдсон сурталчилгаа |
