Нийслэлийн үйлчилгээний нэгдсэн төвийг өнгөрсөн сарын 04-ний өдрөөс ажиллуулж эхэлсэн. Төрийн үйлчилгээг нэг дороос авах боломжийг бүрдүүлсэн энэ төвд нийгмийн даатгалын үйлчилгээг мөн үзүүлж байна. 2016 оны 02 сарын 17-ны мэдээнээс үзэхэд тус төвөөр нийт 58248 иргэн үйлчлүүлсэний 4000 гаруй нь нийгмийн даатгалын үйлчилгээ авчээ. Тодруулбал 559 иргэнийг эрүүл мэндийн даатгалд хамруулж, дэвтэр нээсэн, 672 иргэнийг сайн дурын даатгалд хамруулан, гэрээ байгуулж баталгаажуулсан, 2403 даатгуулагчид мэргэжлийн зөвлөгөө мэдээлэл өгч ажилласан зэргээр төрийн үйлчилгээг шуурхай хүргэж ажилласан байна. Нийслэлийн үйлчилгээний нэгдсэн төвийг эхний ээлжинд Дүнжингарав худалдааны төвд байгуулсан бөгөөд цаашдаа нийслэлийн гурван цэгт нэмж ажиллуулах юм. Тус төвөөс иргэд улс, нийслэлийн харъяа 25 байгууллагын 204 төрлийн үйлчилгээг авах боломжтой.
