Нийгмийн даатгалын ерөнхий газар нь Швейцарийн хөгжлийн агентлагийн “Тогтвортой бичил уурхай” төсөлтэй хамтран бичил уурхайгаас гар аргаар олборлолт хийж буй иргэдэд Нийгмийн даатгалын  багц хууль, Эрүүл мэндийн даатгалын хууль тогтоомж, түүний хэрэгжилт, Нийгмийн даатгалын тусламж, үйлчилгээний талаар мэдлэг олгох сургалтыг бүсчилэн зохион байгуулж байна. Энэ удаад төслийн санхүүжилтээр Баянхонгор аймгийн Баян-Овоо, Бөмбөгөр сум, Говь-Алтай аймгийн Бигэр, Есөнбулаг, Төгрөг, Ховд аймгийн Цэцэг, Үенч, Дөргөн, Увс аймгийн Улаангом, Тариалан зэрэг 4 аймгийн 10 суманд сургалт зохион байгууллаа.

Тус сургалтыг НДЕГ-ын ССОНХА-ын дарга Д. Эрдэнэбат, Сургалт хариуцсан мэргэжилтэн Г.Золжаргал, ЭМДГ-ын мэргэжилтэн Л. Хандсүрэн нар зохион байгуулсан бөгөөд бичил уурхай эрхлэгчдээс гадна хувиараа хөдөлмөр эрхлэгч иргэд, малчид, ажил хөдөлмөр эрхлээгүй иргэдийг хамруулснаараа ач холбогдолтой байв.   Сургалтын явцад нийгмийн даатгалын тухай 12000 сурталчилгааны материалыг тарааж, сургалтад хамрагдсан иргэд, бичил уурхайчдыг  бүртгэх ажлыг зохион байгуулсан ба сургалтанд нийт 719 хүн хамрагджээ.