Хүн амын хөгжил, нийгмийн хамгааллын салбарын ажилтны баярын өдрийг угтан иргэдэд үзүүлж байгаа үйлчилгээг олон нийтэд таниулах, мэдээлэл өгөх, сурталчлах зорилго бүхий Хүн амын хөгжил, нийгмийн хамгааллын салбарын “Нээлттэй өдөрлөг” дөрөвдүгээр сарын 27-ны өдөр Чингисийн талбайд боллоо. Нээлттэй өдөрлөгт Хүн амын хөгжил, нийгмийн хамгааллын яам түүний харьяа Нийгмийн даатгалын ерөнхий газар, Нийгмийн халамж үйлчилгээний ерөнхий газар, Хүүхдийн төлөө үндэсний газар, Сэргээн засалт хөгжлийн үндэсний төвийн удирдлагууд болон дүүргүүд дэх хэлтэс нэгжүүд оролцож салбарын үйлчилгээ авах, санал хүсэлтээ илэрхийлэх боломжоор хангаж ажиллалаа.
Өдөрлөгт Нийгмийн даатгалын төв орон нутгийн байгууллагын удирдах ажилтнууд, Нийгмийн даатгалын ерөнхий газар, Нийслэлийн нийгмийн даатгалын газар болон төвийн зургаан дүүргийн байцаагч, ажилтнууд оролцож иргэдийн санал хүсэлтийг хүлээн авч, зөвлөгөө мэдээлэл өгөн, зарим төрлийн үйлчилгээг газар дээр нь үзүүллээ.
