Удирдлагын мэндчилгээ
МЭНДЧИЛГЭЭ
Одоогоос 30 жилийн өмнө манай улс зах зээлийн харилцаанд шилжих явцад нийгэм, эдийн засгийн салбарт хийгдсэн томоохон шинэчлэлийн нэг нь Нийгмийн даатгалын шинэ тогтолцоонд шилжих эрх зүйн орчныг бүрдүүлж, 1994 онд Нийгмийн даатгалын багц хуулиудыг баталж, 1995 оноос хэрэгжүүлж эхэлсэн билээ. Энэ нь Монгол Улсын хуулиар олгогдсон иргэдийнхээ тэтгэвэр, тэтгэмж , төлбөр авах эрхийг баталгаажуулсан чухал ач холбогдол бүхий үйл явдал болсон юм. Баянгол дүүргийн Нийгмийн даатгалын газар нь Нийгмийн даатгалын хууль тогтоомжийг хэрэгжүүлэх, нийгмийн даатгалын сангийн орлогыг бүрдүүлэх, ажил олгогч, даатгуулагчдыг нийгмийн даатгалд хамруулах, нийгмийн даатгалын сангаас тэтгэвэр, тэтгэмж, төлбөр, зардлыг хуулиар тогтоосон хугацаанд олгох, цахим үйлчилгээг нэвтрүүлэх зэрэг чиг үүргийг хэрэгжүүлэн ажиллаж байна. Нийгмийн даатгалын хамрах хүрээг өргөжүүлж, даатгуулагч төлсөн шимтгэлтэйгээ уялдаатай тэтгэвэр, тэтгэмж авах шударга тогтолцоог хэрэгжүүлэх нь бидний зорилт юм.
Нийгмийн даатгалын байгууллага нь иргэд, даатгуулагч, ажил олгогч Та бүхэнд үзүүлэх үйлчилгээгээ чирэгдэлгүй шуурхай хурдан үзүүлэх зорилгоор цахим үйлчилгээг нэвтрүүлэн нийгмийн даатгалын шимтгэл төлөлтийн тайлан гаргах, сайн дурын даатгалын гэрээ байгуулах, шимтгэлээ төлөх, ажилгүйдлийн, хөдөлмөрийн чадвар түр алдсаны, жирэмсний, амаржсаны тэтгэмжийг олгох, тэтгэврийг өөрчлөн тогтоох зэрэг үйлчилгээг цахим хэлбэрт шилжүүлэх, мөн даатгуулагч шимтгэл төлөлтөө хянах, нэрийн дансны орлогын болон авсан тэтгэвэр, тэтгэмжийн мэдээллийг “Нийгмийн даатгал” аппликейшн, “Даатгуулагчийн веб” программ ашиглан авах боломжийг бүрдүүлээд байна.
Нийгмийн даатгалын газраас үзүүлж буй үйлчилгээ, мэдээ, мэдээллийг түргэн шуурхай хүргэх зорилгоор нийгмийн даатгалын байгууллагын цахим хуудсыг шинэчлэн, байгууллагын эрхэм зорилго, ажилтан албан хаагчдын хуулиар олгосон чиг үүрэг, нийгмийн даатгалын газрын бүтэц, хууль эрх зүй, нийгмийн даатгалын байгууллагаас үзүүлж буй үйлчилгээ, шилэн данс, статистик мэдээлэл зэргийг ил тод нээлттэй хүргэж байна. Иргэд, даатгуулагч, ажил олгогч Та бүхэн цахим хуудаснаас нийгмийн даатгалын цаг үеийн мэдээ, мэдээлэл болон нийгмийн даатгалын үйлчилгээг цаг хугацаа, орон зай харгалзахгүй түргэн шуурхай авах, нийгмийн даатгалын талаарх санал хүсэлтээ илэрхийлэх боломжтой юм.
Нийгмийн даатгалын үйлчилгээг шилэн, ил тод, нээлттэй, түргэн шуурхай хүргэх зорилтыг хэрэгжүүлэн ажиллах болно.
БИД ДААТГУУЛАГЧИЙНХАА ИТГЭЛ НАЙДВАР, СЭТГЭЛ ХАНАМЖААР ҮНЭЛЭГДЭХ
НИЙГМИЙН ДААТГАЛЫН ҮЙЛЧИЛГЭЭГ ХҮРГЭНЭ.